பாம்பும், தவளையும்

ஒரு குளத்தில் பல தவளைகள் வசித்து வந்தன. அவர்களுக்கு ராஜா, ராணி இருந்தார்கள். அவர்களுக்கு எதிரிகளே இல்லாததால் பயம் இன்றி இஷ்டம்போல் விளையாடியும் உணவும் அருந்திக்கொண்டு காலத்தை போக்கி வந்தன.

ஒரு நாள் ஒரு வயதான பாம்பு அந்த பக்கம் வந்தது. குளத்தில் நிறைய தவளைகள் இருந்ததை கண்டது. தான் எப்படியாவது இங்கேயே நிரந்தரமாக தங்க முடிந்தால், வயதான காலத்தில் இறை தேட அவசியம் இல்லாமல் காலத்தை போக்கிவிடலாம்-எப்படியாவது இந்த தவளைகளை சிநேகிதம் செய்து கொண்டால் நல்ல ஆகாரம் தினமும் கிடைக்கும் என்று ஒரு திட்டம் தீட்டியது.

அப்போது சில குஞ்சு தவளைகள் அதன் அருகில் வந்தன. ஏதோ நீளமாகவும், வழவழப்பாகவும் இருப்பதை கண்டு பயந்தன. கிழ பாம்பு அவைகளை, தன்னை கண்டு பயப்படவேண்டாம், தனக்கு வயதாகிவிட்டது, பல் எல்லாம் போய்விட்டது, முன்பு மாதிரி வேகமாக செல்லமுடியாது, தன் அருகில் வர சொல்லிற்று. அவைகள் வந்தவுடன் அவைகளை முதுகில் ஏற்றிக்கொண்டு பவனி வந்தது. தவளைகளுக்கு படு குஷி.

அவைகள் குளத்திற்கு சென்று தன் பெற்றோர்களுக்கு நடந்ததை சொல்லி மகிழ்ந்தது. பெற்றோர்களும் அடுத்த நாள் முதல் பாம்பின் மேல் ஏறி சவாரி செய்தன. பிறகு ராஜாவும், ராணியும் பாம்பை சிநேகம் செய்து கொண்டன. இப்படியே சில காலம் சென்றன.

பாம்பும் தக்க தருணத்திற்காக காத்திருந்தது. ராஜாவின் சிநேகத்திற்காக காத்திருந்தது. அது கிடைத்தவுடன் ஒரு நாள் கலைப்பாக படுத்துக்கொண்டு ( நடிப்பு ) மயக்கமாக இருப்பது போல் நடித்தது. ராஜா வந்தவுடன் பாம்பை பார்த்து கவலைப்பட்டது. காரணத்தை கேட்டது. பாம்பு தனக்கு வயதாகிவிட்டது, கண் சரியாக தெரியவில்லை, தன்னால் இறை தேட முடியவில்லை என்று வருத்தப்பட்டது.

ராஜாவும் இரக்கப்பட்டு, குளத்தில் நிறைய தவளைகள் இருக்கின்றன- இனி தினமும் இதற்கு இறையை அனுப்பலாம் என்று தீர்மானித்தது. அதுபடியே    நடந்தது. சில காலம் சென்றவுடன் குளத்தில் தவளைகள் எல்லாம் காலி. மிஞ்சியது ராஜாவும், ராணியும். அவைகளையும் பாம்பு இறையாக்கி கொண்டது.

தகாத  உறவு விநாசத்தில் தான் முடியும். எதிரிகளின் மேல் அளவு கடந்த நம்பிக்கை வைக்க கூடாது.

-------------

CRANE AND PEACOCK

நாரையும், மயிலும்

ஒரு தடாகத்தில் சில நாரைகள் வந்து, வந்து போகும். அவைகள் ஆனந்தமாக பறந்து தடாகத்தில் உள்ள மீன்களை கொத்தி இறையாக்கி கொள்ளும். தடாகத்தின் கரையில் ஒரு மயில் வசித்து வந்தது.

ஒரு நாள் மயில் சும்மா இருக்காமல் நாரையை வம்புக்கு இழுத்தது. நீ உன் பறக்கும் அழகை நீரில் பார்த்து மகிழ்ந்து போகிறாய். உன்னால் என்னை போல அழகாக தோகையை விரித்து ஆட முடியாது. உனக்கு என் மாதிரி தோகை இல்லையே! என்றது.

நாரை மேலும் கீழுமாக பறந்து தண்னீரில் புகுந்து மீனை கவ்விக்கொண்டு-மயிலை பார்த்து கேட்டது-உன்னால் இப்படி முடியுமா? உன் அழகு தோகை கவைக்கு உதவாது என்று கேலி செய்தது.

மயில் இதை உணர்ந்து வெட்கப்பட்டு-தான் ஏன் இந்த வம்பை விலைக்கு வாங்கினோம் என்று நொந்து கொண்டது.

ஆட்டின் வாலை அளந்துதான் பகவான் வைத்திருக்கிறார்.

CUNNING CROW

தந்திர காகம்

ஒரு காட்டில் ஒரு சிங்கமும், புலியும், நரியும், காகமும் சேர்ந்து வாழ்ந்துவந்தன. அவர்களிடையே ஒரு நட்பு ஒப்பந்தம் செய்துகொண்டன. அதன்படி சிங்கம் வேட்டையாடி கொண்டுவரும் உணவை சிங்கம் தின்றுவிட்டு மிச்சத்தை புலியும், நரியும் காகமும் புசிக்கும்.

இப்படியே பல காலம் சென்றது.நடுவில் ஒரு ஒட்டகம் பாதை தடுமாறி சிங்கம் இருக்கும் இடத்தில் வந்து சேர்ந்தது. அந்த நாள் ஒரு நல்ல நாளானாதால் சிங்கம் மகிழ்ச்சியுடன் இருந்தது. ஒட்டகத்தை கண்டவுடன் அதை வரவேற்று தன் நண்பனாக ஏற்றுக்கொண்டது. இது மற்றைய மிருகங்கள், காக்கைக்கும் பிடிக்கவில்லை. இருந்தாலும் சிங்கம் ராஜாவாயிற்றே!

ஐந்தும் பல காலம் சேர்ந்தே சந்தோஷமாக காலத்தை கழித்துவந்தன. ஒரு நாள் சிங்கம் தான் முதுமை அடைந்துகொண்டிருக்கும் நிலமையை புரிந்துகொண்டது. முன்பு போல் இறையை தேட முடியவில்லை. திடீரென்று உடம்பு சரியில்லாமல் படுத்துவிட்டது. ஆகாரத்தையும் புசிக்காமல் படுத்துவிட்டது.

சிங்கத்தின் இந்தநிலையை கண்டு மற்றையவைகள் கவலைகொள்ள தொடங்கின. சிங்கம் சாப்பிடாததால் தங்களும் பட்டினி கிடக்க வேண்டியதாயிற்று.  ஒட்டகம் வெளியே சென்றதும் காகம், நரி, புலி மூன்றும் கூடி யோஜனை செய்தன. காகம் ஒரு யோஜனை தெரிவித்தது. அதன்படி பெரிய மிருகமான ஒட்டகத்தை சிங்கம் இறையாக்கி கொண்டால் -பல நாட்களுக்கு கவலை இல்லை என்றது. இதற்கு சிங்கம் ஒப்புக்கொள்ளாதே!

அதைபற்றி என்னிடம் விட்டுவிடுங்கள், நான் சிங்கத்தை சம்மதிக்கவைக்கிறேன் என்றது காகம். நான் சொல்வதுபோல் நடந்துகொள்ளுங்கள் என்றது காகம்.

காகம் சிங்கத்திடம் வந்து அதன் நிலையை எடுத்து சொல்லி-தன்னை இறையாக ஏற்றுக்கொள்ளவேண்டும் என்றது.

சிங்கம் அதற்கு ஒப்புக்கொள்ளவில்லை. பிறகு நரி வந்து தன்னை ஏற்றுக்கொள்ளுமாறு வேண்டியது. அதற்கும் சிங்கம் மறுத்துவிட்டது. புலியும் இதுமாதிரி கேட்டது, அதற்கும் சிங்கம் ம்றுத்துவிட்டது.

இவைகள் எல்லாவற்றையும் பார்த்துகொண்டிருந்த ஒட்டகம் தான் சும்மா இருக்ககூடாது, தானும் அவ்வாறே செய்யவேண்டும் என்று கூட்டமாக நின்று கொண்டிருந்த அந்த இடத்திற்கு வந்து சிங்கத்திடம் தன்னை இறையாக ஏற்று கொள்ளுமாறு வேண்டியது. அந்த சமயம் புலி அதன்மீது பாய்ந்து ஒட்டகத்தை கொன்று அதை இறையாக சிங்கத்திற்கு அளித்தன.

சிங்கமும் ஒட்டகம் தானே முன்வந்து தன்னை அளித்ததால் வருத்தப்படாமல் மறுபடும்  பலம் பெற்று வேட்டையாட தொடங்கியது.

சில சமயம் நல்லவர்கள் கூட சந்தர்ப்பவாதிகளால் கெட்டுவிடுகிறார்கள்.